Episode 1
Sugeng pinanggih malih kalian kula Enbe, namung kangge nguri uri budaya Jawi.
Carios punika fiktif, pramila hambok bilih wonten asma ingkang sami kalian tokoh carios punika saestu namung kleresan. Kula Enbe nyuwun pangapunten.
Nuwun.
Warsi umuré kira kira 16 tahun, bakul jamu gendhong keliling nang sakiwa tengene kampung Tuguran Magelang, wis kondhang jamuné tulen saka rempah rempah asli. Dadi langganané ya pada seneng, marga ngombé jamuné Warsi kabeh penyakit ilang bablas awaké dadi padha waras.
Prasasat sing tuku jamuné Warsi ora mung bapak bapak thok, akeh uga nom noman sing isih jaka. Embuh apa sebabé saben dina kabeh padha ngenteni jamuné mbak Warsi, sakjané ngono Warsi iku yo ora ayu banget, nanging sarwa luwes solah bawané.Irungu ora mancung, nanging uga ora pesek, kulitané resik kuning langsep, pasuryané mulus lan nang sangisore irung thukhul rambut kalong , mripaté mblalak, alisé jlirit nanggal sepisan, rikmané kandel digelung modhel mojopahitan. Anggoné ngladeni pelanggané ramah lan merak ati.
Yen lagi mubeng nawakake jamune Warsi pinter ngajeni ragané awake dhewé, dheweké tansah ngganggo klambi sing resik, modis kanggo ukurané bakul jamu jaman semana. Kulit pasuryané Warsi tansah dirawat dhewé, mula lumrah kulit pasuryané resik mulus, lha wong nang omah mangiran saben bengi.
Warsi isih ngugemi :
AJINING DHIRI SAKA LATHI. AJINING RAGA SAKA BUSANA
Jam enem isuk Warsi wis budhal ngiderake jamune, nganggo rok gojak gajek sak ngisor dengkul, heme benik tengah nganggo kutubaru. Sandhal sing dinggo sandal sing nutupi driji samparané.
Tenggok wadhah botol jamu digendhong, disangga nganggo selendang sing di taleké nyilang nang dhadhané.
Nyuwun pangapunten… karono katesé sing monthok ana kalané kesurung munggah ketok ndemenaké kanggo para priyayi kakung langganané. Ana sing ngarani wah seger tenan, nganti mbludak eman eman.
Salah siji pelanggane Warsi ana sing asmane pak Darmawan, yuswané kira kira 41 tahun, nanging jarené wis dhudha ditinggal seda garwané rong tahun kepungkur. Pak Darmawan sajak naksir Warsi ora mung arep dinggo dolanan ananging tenanan pingin ngepek bojo yén Warsi isih legan.
,, Jamu . . . jamu, beras kencur, kunir asem, cabé puyang, jamu wejahan, jamu sehat pria wanita, mangga mangga.”
Mbak Warsi mubeng mubeng nawaké jamuné.
Pak Darmawan jenggirat nang teras terus ngadek
- Jamu . . , kené sik mbak !, jamu sehat ora usah nganggo pahitan nggih !.
,, Nggih pak “
Warsi mlebu pager nyelehké tenggok botol jamu nang teras, pak Darmawan nglirik katesé Warsi sing mbludak karo dheg dhegan merga nggumun geneya sedhep tenan, éman éman yen ora dilirik. Mubazir ngendikané pak Darmawan nang njero atiné.
Ana candhake… 🙏
